10 DAMU YAKO YENYE BARAKA

1. Damu yako yenye baraka, Inayoosha
   makosa, Ilimwagwa m-salabani, Mwokozi
   ulipokufa. Nastahili ’pata hukumu,
   Na siwezi mimi kujiosha. Unioshe katika
   damu, Nipate kuwa safi kweli!
   
   
   Safi kabisa! Safi kabisa! Unioshe katika
   damu, Nipate kuwa safi kweli!
   
   
   
2. Yesu, ulivikwa miiba, Kuangikwa juu ya
   mti, Ulivumilia mateso ’jeraha na
   maumivu. Ninataka kijito hicho, Niende
   nisafishwe kabisa! Unioshe katika damu,
   Nipate kuwa safi kweli!
   
   
   
3. Baba, kweli nina makosa, Moyo wangu u
   dhaifu; Mimi mwenye dhambi rohoni,
   Nipate wokovu wapi? Yesu, kwako
   m-salabani, Naja ninakuamini sasa,
   Unioshe katika damu, Nipate kuwa safi kweli!
   
   
   
4. Bwana, nimekukaribia, Nilindwe nawe
   milele! Unifungue kila kamba, Uujaze
   moyo wangu! Na karibu ya m-salaba,
   Nitakaa hata kufa kwangu, Unioshe
   katika damu, Nipate kuwa safi kweli!