131 MIMI MKRISTO NYAKATI ZOTE

1. Mimi Mkristo nyakati zote, Hata siku ya kufa

Kwangu. Mimi Mkristo nashuhudia, Japo dunia

Inicheke. Mimi Mkristo kwa moyo wote

Ninampenda Kristo kweli, Aliyekufa kwa ’jili

Yangu, Ninastahili kumpenda.

2. Mimi Mkristo, neema kubwa, Niliokoka toka

Dhambi. Mimi Mkristo, hata ikiwa Katika shida

Duniani. Mimi Mkristo na ni askari, Napiga vita

Vya imani. Akida wangu ni Bwana Yesu,

Pamoja naye nitashinda.

3. Mimi Mkristo, na ni mgeni, Nasafiri kwenda

mbinguni. Na sitamani yaliyo huku Ninatafuta

yaliyo juu. Mimi Mkristo, na nchi yangu, Si

hapa chini ni huko juu. Hakuna njaa na shida

tena Huko wote wataridhika.

4. Mimi Mkristo, Ni neno zuri, Lanifariji moyo

wangu. Linaniondolea huzuni Napumzika kwa

Mwokozi. Mimi Mkristo maisha yote Hata nilale

kaburini. Kwa raha kubwa nitakubali

Kuchukuliwa naye Yesu